Basketbolun 3x3 növü üzrə kişilərdən ibarət milli komandamız Serbiyanın paytaxtı Belqrad şəhərində təlim-məşq toplanışını davam etdirir.

"Football-plus.az" xəbər verir ki, 4-5 iyun tarixlərində Kiprdə baş tutacaq Avropa çempionatının seçmə mərhələsinə hazırlaşan yığmamızın heyətinə legioner həyatı yaşayan basketbolçularımız da qoşulub. Bunlar Türkiyənin "Qaziantep" klubunun kapitanı Orxan Aydın və İspaniyanın "Mursiya" komandasının üzvü Cordan Deyvisdi.

Onu da qeyd edək ki, kişilərdən ibarət əsas komandamıza yeni təyin olunmuş baş məşqçi Aleksandar Trifunoviç də toplanışı izləmək üçün Serbiyaya səfər edib. Mütəxəssis burda millinin üzvləri ilə tanış olub. Trifunoviç basketbolçularla əsas milli komandanın qarşıdakı təlim-məşq toplanışları barəsində söhbət apararaq, onlara Avropa çempionatının seçmə mərhələsində uğurlar arzulayıb.