Mahrez: ''Liverpul" bizə nifrət edir''
Bilindiyi kimi İngiltərə premyer-liqasında gərgin və maraqlı mövsüm ''Mançester Siti''nin çempionluğu ilə yekunlaşdı.
"Football-plus.az" xəbər verir ki, ''Liverpul''u 1 xal qabaqlayan Xosep Qvardiolanın komandası son 5 ildə 4-cü, tarixinin 8-ci çempionluğunu qazandı. Bu arada ''şəhərlilər''in əlcəzairli vingeri Riyad Mahrez ''Liverpul''la bağlı diqqətçəkən açıqlamalar verərək bunları deyib: ''Liverpul'' həqiqətən də çox çılğın və mükəmməl komandadı. Ancaq bizə nifrət etdiklərini bilirəm. Bizdən beziblər. Çünki ''Mançester Siti'' olmasaydı, çox güman, İngiltərədəki bütün titullara sahib çıxardılar və hər il çempion olardılar. Amma biz burdayıq və qələbələrdən doymaq niyyətimiz yoxdu. Elə gələn mövsüm də növbəti çempionluğu qazanmağa çalışacağıq. Son turun bu qədər maraqlı alınmasına və ajiotajin son saniyəyə qədər davam etməsinə görə ''Aston Villa'' ilə ''Vulverhempton''a təşəkkür etmək lazımdı. Son turda bizim və ''Liverpul''un işinin asan olmayacağı bəlli idi. Belə də oldu''.
Mahrez bu mövsüm 47 rəsmi oyunda 24 qol, 9 məhsuldar ötürməlik performans sərgiləyərək komandasının ən yaxşı oyunçularından biri oldu.
Digər xəbərlər
