Klopp: ''Mançester Siti'' çempion olacaq''
Bu mövsüm böyük həyəcana səhnə olan İngiltərə çempionatında artıq bu gün çempionun adına aydınlıq gələ bilər.
''Mançester Siti''dən 4 xal geridə olan ''Liverpul'' bu gün 37-ci turdan təxirə salınan oyunda səfərdə ''Sauthempton''a uduzacağı təqdirdə ''şəhərlilər'' çempionluğu rəsmiləşdirəcək. ''Liverpul'' 3 və ya 1 xal qazanacağı halda bütün suallara son turda aydınlıq gələcək. Bu arada ''qırmızılar''ın baş məşqçisi Yürgen Klopp ''Siti''nin böyük ehtimalla çempion olacağını deyib: ''Qvardiolanın komandasının çempionatda ən son nə zaman ardıcıl 2 oyunda xal itirdiyini xatırlamıram. Həm də ''Siti''nin son turdakı rəqibi olan ''Aston Villa''nın həftəiçi də oyunu var. Bu komanda bu cür qrafikdə oynamağa alışmayıb. Ona görə də ''Siti''nin xal itirəcəyini düşünmürəm. Çox güman onlar çempion olacaq. Biz ''Çelsi''yə qarşı 120 dəqiqəlik ağır oyunun ardından bu matça çıxacağıq. Soyuqqanlı olmalıyıq. ''Sauthempton'' mövsümün son ev oyununda bizi yenmək üçün əlindən gələni edəcək. Baxaq görək, necə olacaq''.
Digər xəbərlər
