Cavid Hüseynov: "Düşünürəm ki, gələn mövsümdən 1-ci divizionda çıxış edəcəyik" - AÇIQLAMA
“Biz yarananda çoxları çempion olmağımıza inanmırdı. Düzdü, mövsümün əvvəlində fikrimiz fərqli idi. Lakin qış fasiləsindən sonra çempionluğa oynamağa başladıq. Əvvəlcə çempionatla tanış olduq. Bundan sonra hiss etdik ki, burda nəticə əldə edə bilərik. Şükürlər olsun ki, bu gün kuboku qazandıq. Qələbə möhtəşəm alındı. Sadəcə, özümüzə inanırdıq. Futbolçularıma bu hissi aşıladığıma görə şad oldum. Oyun bizim üçün çətin keçdi. Lənkəran təmsilçisi hücum futbolu sərgiləyir. Bu mövqedə çox güclü futbolçular yer alıb. İlk dəqiqələrdən oyunçulara tapşırıq vermişdim ki, nizam-intizamı pozmasınlar. Ola bilərdi ki, qarşılaşma əlavə vaxta da getsin. Son dərəcədə ehtiyatlı oynayıb, əlimizə düşən şanslardan yararlanmaq istəyirdik. Şükürlər olsun ki, nəyi hədəfləmişdiksə, o da oldu”.
Bu sözləri “Futbol+” qəzetinə açıqlamasında Cavid Hüseynov deyib. “Cəbrayıl”ın baş məşqçisi Region Liqasında çempion olmaqlarını şərh edib:
“Məşqçi olaraq ilk ilim idi. Bu nəticə mənim üçün çox vacibdi. Baş məşqçi kimi ilk ilimdəcə kuboka sahib olmaq istəyirdim. Şəxsən bu turnirdə qalib olmağı arzulayırdım. Bunu da bacardım. Buna çox inanırdım. Şükürlər olsun ki, alındı. Lakin bu kollektiv oyundu. Komandaya bunu inandırmaq, həmin hissləri aşılamaq bir az çətin işdi. Diviziona buraxılmamağımız da bizə təsir etdi. Həvəskar liqada çıxış etdiyimiz üçün danışmağa daha çox ehtiyac olurdu. Burda yanaşma yüksək səviyyədə olmadığı üçün hər gün, hər an nələrisə izah etməli olursan. Həmişə uşaqlara çempionluğun və nəticəni necə bir hiss olduğunu aşılamağa çalışırdım. Onlarda bunun təsvirini formalaşdırmaq istəyirdim. Uşaqlar buna inandılar. Məqsədimizə çatdıq. Gücü bir yerə qoyub, yekunda qalib gəldik.
UEFA Region Kubokunda iştirak edəcəyik. Bu turnirin reqlamenti bir az qəlizdi. Nə vaxtsa peşəkar liqada çıxış edən futbolçu bu turnirdə meydana çıxa bilməz. Bu, bizim üçün çətinlik yarada bilər. Mənim komandamda 4-5 belə futbolçu var. Onlar belə olan halda bizə kömək ola bilməyəcəklər. Bir az bu məsələ çətinlik yaradacaq. Çalışacağıq ki, maksimum dərəcədə uğurlu çıxış edə bilək. Azərbaycanı layiqli təmsil etmək istəyirik”.
UEFA Region Kubokunda iştirak edəcəyik. Bu turnirin reqlamenti bir az qəlizdi. Nə vaxtsa peşəkar liqada çıxış edən futbolçu bu turnirdə meydana çıxa bilməz. Bu, bizim üçün çətinlik yarada bilər. Mənim komandamda 4-5 belə futbolçu var. Onlar belə olan halda bizə kömək ola bilməyəcəklər. Bir az bu məsələ çətinlik yaradacaq. Çalışacağıq ki, maksimum dərəcədə uğurlu çıxış edə bilək. Azərbaycanı layiqli təmsil etmək istəyirik”.
Cavid Hüseynov komandasının 1-ci diviziona buraxılmamasına da münasibət bildirib. Gənc məşqçi bunun baş verəcəyinə inandığını qeyd edib:
“AFFA-nın qərarını dəyişib, bizi 1-ci diviziona buraxacağına ümidim çoxdu. Bilmirəm, nə üçün belə hiss edirəm. Hazırda çox rahatam. Düşünürəm ki, gələn mövsümdən 1-ci divizionda çıxış edəcəyik. Hazırda belə bir ab-havadayam. Amma istənilən halda belə olmasa da, Region Liqasında çıxışımızı davam etdirəcəyik. Düzdü, strategiyamızda dəyişiklik olacaq. Ola bilər ki, çempionluğa oynamayaq. İstənilən halda daha da peşəkarlaşmağa çalışacağıq. Ola bilər ki, gələn mövsüm ancaq gənclərlə meydana çıxaq”.
Qeyd edək ki, dünən baş tutan Region Liqasının finalında "Cəbrayıl" "Xan Lənkəran"ı 1:0 hesabı ilə məğlub edərək 2021/22 mövsümünün çempionu oldu.
İLKİN SULTANLI
Digər xəbərlər
