"Ona qalsa, bizim də penaltimiz verilmədi" - Cavid Hüseynov
Bazar günü Region Liqasının 1/4 finalının cavab görüşü olan "Cəbrayıl" - "Energetik" matçında mingəçevirli futbolçular hakim Rövşən Rəcəbovu döyüblər.
Bu səbəbdən də qarşılaşma yarımçıq dayandırılıb. Görüşdə baş verənlərə aydınlıq gətirməsi üçün "Cəbrayıl"ın həm baş məşqçisi, həm prezidenti olan Cavid Hüseynovla əlaqə saxladıq:“Oyunda xoşagəlməz hadisələr baş verdi. Açığı, mən belə şeylərin olmasını heç istəməzdim. Bunun əleyhinəyəm. Deyiləsi söz yoxdu. Şükürlər olsun ki, bizim komanda ilə bağlı nəsə olmadı. Sadəcə, referi ilə “Energetik”in üzvləri arasında insident yaşandı. Videolardan da hər şey görünür. Penalti tələb edirdilər. Mən, ümumiyyətlə, hakimlik barədə danışmaq istəmərəm. Bu, sadəcə, ehtimaldı. Ona qalsa, bizim də penaltimiz verilmədi. Amma bu qədər etiraz etmədik. Yenə deyirəm, üzücü məqamdı. Ümid edirəm ki, ədalətli qərar veriləcək”.
İLKİN SULTANLI
Digər xəbərlər
