"90 dəqiqə rəqibi təzyiq altında saxladıq" - Elxan Abdullayev
17 yaşadək futbolçulardan ibarət yığma Gürcüstanda təşkil olunan UEFA İnkişaf turnirində son oyununu keçirib.
Dünən rəqib Gürcüstanın müvafiq yaş qrupundan ibarət komandası olub. Qarşılaşma meydan sahiblərinin 1:0 hesablı qələbəsilə yekunlaşıb. Elxan Abdullayevin rəhbərlik etdiyi komanda ilk oyunda Zambiyaya da uduzmuşdu - 1:3.
"Football-plus.az" xəbər verir ki, Gürcüstanla oyundan sonra millimizin baş məşqçisi AFFA-ın rəsmi saytına açıqlama verib:“Çox maraqlı oyun keçdi. İlk qarşılaşmada komandamızda görmədiyimiz müsbət cəhətləri, bu oyunda müşahidə etdik. Baxmayaraq ki, qalib gələ bilmədik, amma millimiz 90 dəqiqə rəqibi təzyiq altında saxladı. Əldə etdiyimiz fürsətləri realizə edə bilmədik. Ümumilikdə oyundan razı qaldım. Beynəlxalq təcrübə baxımından gənc futbolçular üçün belə turnirlərdə iştrak etmək çox faydalıdır. Məqsədimizə çatmaq üçün oyunumuzu daha da yaxşılaşdırmalıyıq və bu istiqamətdə inkişafımızı davam etdirməliyik. Komandamız yaxşıdır və mən uşaqlara inanıram”.
