“Gecə Azərbaycana qayıtdıq. Komandanı oktyabrda Bosniya və Hersoqovinada keçiriləcək seçmə oyunlara hazırlayırıq. Orda meydan sahibləri ilə yanaşı, Ukrayna və Lixtenşteyn ilə də qarşılaşacağıq. Bütün bu oyunlar da o turnirə hazırlıqdı. Bizdə hər şey plan əsasında gedir. Bildiyiniz kimi, bu yaş qruplarında da çempionat bitir. İyunda toplanış olmayacaq, iyulun axırında Qəbələdə bir araya gələcəyik. Planımızda var ki, orda da bir neçə yoldaşlıq oyunu keçirək. Lakin hansı komandalarla qarşılaşacağımızı hələ bilmirik. Avqust və sentyabr aylarında da yoldaşlıq oyunları keçirəcəyik”.