Azərbaycan şahmatçısı Şəhriyar Məmmədyarov norveçli dünya çempionu Maqnus Karlsenin təşkil etdiyi "Champions Chess Tour" onlayn seriyasının birinci mərhələsində növbəti görüşünü keçirib.

37 yaşlı qrossmeyster "Oslo Esports Cup"ın dördüncü turunda polşalı Yan-Kşiştof Duda ilə üz-üzə gəlib. Məmmədyarov rəqibinə 2:4 hesabıyla uduzub.

Azərbaycan təmsilçisi ilk üç turda çinli Le Kuanq Lyeyə qalib gəlib, ardınca hindistanlı Rameşbabu Praqnanandhaya və kanadalı Erik Hansenə uduzub. O, hazırda 3 xalla sonuncu - 8-ci pillədə qərarlaşıb.

Turnirin mükafat fondu 210 000 ABŞ dollarıdı.