Canni de Byazi İtaliya mətbuatına Azərbaycan millisi haqda qalmaqallı açıqlama verib.

“Tuttomercatoweb.com”a danışan mütəxəssis yığmamızın üzvlərini qorxaq və xaraktersiz adlandırıb:

“Azərbaycan millisi ilə bağlı problem çox az vaxtın olmasıdı. Malta və Latviya ilə oynadıq, hər ikisinə 0:1 hesabı ilə uduzduq və yeni sistemi sınadıq. Komandada çatışmazlıqlar var. Bunun fonunda nə qurduğumuzu dərk etməkdə çətinlik çəkirik. Problemin üzərində işləyirəm. Komanda ilə bağlı digər problem xarakterdi. Həmişə uduzursansa, daha az boyun əyməli, daha çox qürur və qətiyyət nümayiş etdirməlisən. Hələlik buna təsir edə və ruhumu qorxaq komandaya verə bilmirəm. Ümumiyyətlə, yığmalarla bağlı problemlər mövcuddu. 12 gün ərzində Millətlər Liqasında 4 oyun keçirəcəyik. Bunu edəcək futbolçularım belə yoxdu! Bəzi şeylər bizi təəccübləndirir”.

Qeyd edək ki, Azərbaycan yığması Millətlər Liqasında C Liqasının III qrupunda Slovakiya, Belarus və Qazaxıstanla mübarizə aparacaq.