Aktual / Manşet
587
7.04.2022, 16:10
Zaur Ramazanov: “De Byazini yığmadan qovmaq lazımdı” - AÇIQLAMA
Milli komandanın sabiq üzvü Zaur Ramazanov Canni de Byazinin futbolçuları xaraktersiz və qorxaq adlandırmasına münasibət bildirdi.
“Fooball-plus.az”a açıqlama verən veteran yığmanın italiyalı çalışdırıcısının belə fikirlər bildirməsinə AFFA-nın şərait yaratdığını dedi:
“Bunların hamısı bəhanədi. Konkret onu yığmadan qovmaq lazımdı. İş görə bilməyəndə bəhanələr axtarmağa başlayır. Yığmanın üzvləri qorxaq və xaraktersizdisə, nə üçün Millətlər Liqasında qrup lideri olacağımızı deyirdin? Buna şəraiti AFFA yaradır. Vaxtında millidən kənarlaşdırılsaydı, belə etməzdi”.
Zaur bəy futbolçuların De Byaziyni boykot edərək millidən imtina etmək məsələsi haqda isə bunları söylədi:
“Yığma elə yerdi ki, heç bir futbolçu imtina edə bilməz. Çağırılırsa, getməlisən. De Byazi məsələsini AFFA həll etməlidi. Təbii ki, futbolçular onun rəhbərliyində yığma üçün can qoymayacaqlar. Amma milliyə gəlməmək söhbəti ola bilməz. De Byazi, sadəcə, boş-boş danışır, vaxt öldürür”.
İLKİN SULTANLI
