Gənclər və İdman Nazirliyi son zamanlar ölkənin ən fəal qurumlarından biridi.

Fərid Qayıbovun təyinatından sonra qurumda bir çox dəyişikliklər olub, federasiyalar daha məsuliyyətli işləməyə başlayıb.

Nazirliklə bağlı redaksiyamıza maraqlı informasiya daxil olub. Belə ki, qurum futbol sahəsində də iş görmək niyyətindədi. Belə ki, "Atletiko" (Madrid) və "Mançester Yunayted"lə əməkdaşlıq nəzərdə tutulub. Razılaşmaya əsasən adı çəkilən klubların akademiyasında azərbaycanlı uşaqlar futbolun sirrlərini öyrənəcək. Mənbənin məlumatına görə, bununla bağlı İspaniya və İngiltərə təmsilçiləri ilə ilkin danışıqlar da aparılıb.

Məsələnin doğru olub-olmadığını öyrənmək üçün Gənclər və İdman Nazirliyinin mətbuat xidmətinin rəhbəri Qabil Mehdiyevlə əlaqə saxladıq. Qurum rəsmisi informasiyanın həqiqəti əks etdirmədiyini dilə gətirməklə kifayətləndirdi.

İLKİN SULTANLI