"Olimpiakos"u bəyənməyən azərbaycanlı futbolçu Polşaya yollanıb - AÇIQLAMA
Turan Manafovun çıxış etdiyi Volos "Olimpiakos"u başqa bir azərbaycanlı futbolçu Nazim Bağırovu da transfer etmək istəyib.
Bu məlumatı saytımıza futbolçunun meneceri İlkin Alıyev verdi. Lakin Nazim Polşaya yollanmağı üstün tutub. O, 3-cü liqa təmsilçisi "MKS Podlasie Biafa Podlaska"ya transfer olunub. Görəsən, Turanla bir yerdə oynamaq onun üçün daha rahat olmazdı? Futbolçu niyə Volos təmsilçisini seçməyib? Meneceri dinləyək: "Olimpiakos" Nazim Bağırovu da heyətə cəlb etmək istəyirdi. Ona ikiillik müqavilə təklif etmişdilər. Nazim ordakı vəziyyəti görüb, "yox" dedi. Bundan başqa, komanda turnir cədvəlinin aşağı pillələrində yer almışdı. Yaxşı ki, Polşaya getdi. Bütün heyət Nazimdən razıdı. "MKS Podlasie Biafa Podlaska"nın kapitanı Matsey Kurovski ilə danışmışam. O, Nazimin digər legionerlərdən seçildiyini, daha çox çalışdığını dedi. Bu da məni çox qürurlandırır. Bu həftə orda debüt edəcək. Bəzi sənəd problemləri var idi, komandası qısa zamanda həll etdi".
Qeyd edək ki, Nazimin transfer olduğu klub hazırda 38 xalla ikinci pillədə qərarlaşıb.
GÜNAY VƏLİYEVA
Digər xəbərlər
