Bu gün Avropa çempionatının seçmə mərhələsində 21 yaşadək milli komandamız Estoniyanı 3:0 hesabı ilə darmadağın edib.

Qarşılaşmadan sonra Milan Obradoviç media mənsublarının önünə çıxıb. Serbiyalı mütəxəssis qələbəni şərh etdikdən sonra jurnalistlərin suallarını cavablandırıb:

- Hesab 2:0 olandan sonra rəqibə 2 qol imkanı verdik. Bu, futbolçuların arxayınlaşmasından irəli gəlirdi? Yoxsa rəqib təzyiq yaratdı deyə belə alındı?
- Qətiyyən arxayınlıq olmadı. Fasilədə də onlara tapşırıq vermişdim. Rəqibin oyun üslubunu bilirdik. Onlar başla daha çox oynamağı, standar vəziyyətlərdən fərqlənməyi sevirlər. Əsas odu ki, oyunumuzda təşviş yox idi. Onların bu tərz oyununa hazır idik.

- Qola qədər real imkanları əldən verdiz. Həmin anlarda nə düşünürdüz? Bu qədər qol vəziyyətindən sonra nəticənin istədiyiz kimi olmayacağından qorxmurduz
- Gözləyirdim ki, fasilə olsun və futbolçulara lazımı tapşırıqları verim. Məhz bu cür oyunlarda tez qol vurmalısan ki, boş zonalar tapasan. Daha tez fərqlənsəydik, rahat oynayardıq.

- Həmişə deyirsiz ki, əsas işimiz A milliyə oyunçu verməkdi. Amma uğursuz nəticələrə görə sizi qınayırlar. Bu haqda nə düşünürsünüz?
- Komanda udanda futbolçular bunu haqq etmiş olurlar. Komanda uduzursa, məsuliyyətimi üzərimə götürürəm. Tənqidlərə normal yanaşıram. Bu, işimin bir hissəsidi. Oyunçularımın tənqid olunmasını isə qəbul edə bilmirəm. Çünki onlar çox çalışırlar.

- Musa Qurbanlının ən üstün cəhətləri hansıdı?
- Çoxdu. Üç il bundan qabaq bura gələndə Musa mənimlə birlikdəydi. O, həmişə çalışır ki, komandaya xeyir versin, qol vursun. Pozitiv və yaxşı insandı.

- Rüfət Abdullazadə hansı mövqedə faydalıdı?
- O, sağ vinger və hücumameyilli yarımmüdafiəçidi. Bu mövqelərdə özünü yaxşı hiss edir. Hər məşqçi eyni zamanda bir neçə mövqedə oynayan bilən futbolçusunun olmasına sevinir. Bu, mənim üçün də xoş haldı.

- Canni De Byazi bildirib ki, gənclərlə yanaşı təcrübəlilərə də ehtiyac var. Bu haqda fikriz necədi?
- Canni De Byazi ilə yaxşı münasibətim var, onunla sıx əlaqədəyik. Cavanlar haqda müzakirələr aparırıq. Bu sualı ona versəniz daha yaxşı olar. A millini gücləndirə biləcək gənc oyunçuları müzakirə edirik.

- Qrupu 9 xalla başa vurmaq mümkündü?
- Bunu, çox istəyərdim. Mövsümün sonunda asan olmayan period olacaq. Hər oyunda yaxşı oynayıb, qalib gəlmək üçün çıxırıq. Bu nə dərəcədə real olacaq bilmirəm. 4 gün sonra Belarusla oyuna çıxacağıq. Bəzi futbolçulara şans verəcəyik. İyun ayı üçün kimlər hazır olacaq, baxacağıq.

RƏŞAD, Sumqayıt