"250 manata daha yaradıcı iş ərsəyə gətirmək olardı" - ŞOK MÜTƏXƏSSİS RƏYİ
Bir neçə dövlət qurumunun loqotiplərinin müəllifi AGİN-in yeni loqosu haqda danışdı.
Gənclər və İdman Nazirliyi bir loqo təqdim etdi, aləm dəydi bir-birinə. Bütün idman ictimaiyyəti yeni işi bəyənmir. “Feysbuk”, “instaqram”, “tvitter”, “tik-tok”da hamı yeni loqo ilə məzələnir. Bəlkə sadə Azərbaycan xalqı bu layihənin dərin mənasını başa düşmür? Ola bilər ki, həqiqətən də loqonun hər detalının bir mənası var. "İşi peşəkarından öyrənərlər" deyib, Orxan Musayevlə əlaqə saxladıq. Tanınmış qrafik-dizayner bir çox dövlət qurumlarının loqosunu hazırlayıb. Orxan bəyə 3 sual ünvanladıq. Loqonu bəyəndiniz? Bu layihənin hansısa izah olunmalı mənası var? Bu iş 25 min manata dəyər? Mütəxəssisin fərqli və özünəməxsus fikirlərini diqqətinizə çatdırırıq:
“Birinci suala cavab olaraq deyim ki, loqonu bəyənmədim. Çünki həmin işdə məna, incəlik, kreativlik, üzərində düşüncə və hansısa detalında fikir yoxdu. Dizayn sənətindən başı çıxan hamı dediklərimi təsdiqləyər. 90 faiz əminəm ki, göndərilən digər təkliflərin arasında daha uğurlu, kreativ, mənası olan işlər olub. Bu loqoda nə gənclikdən, nə də idmandan əsər-əlamət var. Qrafik-dizaynın qızıl qaydalarından bu işdə istifadə olunmayıb. Nə tipoqrafik, nə proporsiyalar cəhətdən uğurludu. Bizim dizayn camiəmiz yerlərdə sürünmür. Əksinə, son illərdə çox inkişaf edib. Sadəcə, belə müsabiqələrdə sıradan bir iş seçilir və sonradan müzakirələrə səbəb olur. Mən də eşitmişəm ki, loqo üçün şirkətə 25 min manat verilib. 250 manata daha yaradıcı iş ərsəyə gətirmək olardı”.
İLKİN SULTANLI
Digər xəbərlər
