"Futboçuda özgüvən yoxdusa, bunu düzəltmək çətindi" - Aleksey Baqa
Premyer-liqada 20-ci turun oyunları keçirilir.
"Keşlə" doğma meydanda "Sumqayıt"ı qəbul edib - 1:1. Qonaqların baş məşqçisi Aleksey Baqa oyundan sonra mətbuat konfransında iştirak edib. Çalışdırıcı oyun haqda bunları deyib:
"Səfər meydanında rəqiblə qarşılaşmada hesabda geridə düşmək və sonradan hesabı bərabərləşdirmək çətin olur. Ötən dəfə "Neftçi" ilə də bu təkrarlanmışdı. Qol buraxdıqdan hesabı bərabərləşdirməyə çalışdıq. Belə olanda halda qələbəyə ümid etmək çətin olur".
- “Sumqayıt” sizin gəlişinizdən sonra bir hissə yaxşı oynayır, bir hissə yox. Bu nədən irəli gəlir?
- Psixologiyadan irəli gəlir. Futboçuda özgüvən yoxdusa, bunu düzəltmək çətindi. Vaxt lazımdı. Məşqlərdə və oyunlarda gördüyümüz fərqlidi. Oyunda rəqib bizə nə qədər imkan verirsə, biz tamamilə başqa oyun görürük. Çünki bu futbolçular futbol oynamağı bacarırlar. Son matçlarda da bunu sübut etdilər. Ötən mövsüm komanda medal qazanmışdı, avrokuboklarda oynadı. Bu mövsümki vəziyyətiməz məlumdu. Futbolçular da bunu görür, hərənin öz içində fikirlər yaranır. Bu fikirlər də özünəinamın yaranmasına gətirib çıxarır.
- Milli fasilə işinizə yarayacaq, yoxsa oyun ritmini itəcək?
- Nəsə demək çətindi. Bütün komandalarda fasilə olacaq. Milli Maltaya gedir. Ora da yaxın ölkə deyil. Bilmirik bizdən neçə futbolçu dəvət ediləcək. Artıq siyahı bəlli olandan sonra əlimizdəki oyunçularla nəsə etməyi düşünəcəyik. Yoxlama matçı da keçirə bilərik, mini toplanış da edə bilərik. Çətin olacaq, ya yaxşı bilmək olmaz. Əlimizdə faktlar olandan sonra biləcəyik.
Digər xəbərlər
