Bu gün AFFA İntizam Komitəsinin növbəti iclası keçirilib.

Qurum Region Liqası ilə bağlı aşağıdakı qərarları qəbul edib:

13.03.2022-ci ildə “Şirvanovka” – “Şahdağ” (Quba) oyununda qonaq komanda təyin olunan vaxtda oyuna gəlmədiyi üçün 0:3 hesablı texniki məğlubiyyət verilir (maddə 55.1).

"Şahdağ" (Quba) çempionatın təqvim oyununa üzrlü səbəb olmadan üçüncü dəfə gəlmədiyi üçün yarışdan xaric olunur. Komanda liqa oyunlarının 50%-ni keçirdiyi üçün bütün qalmış görüşlərdə ona 0:3 hesabı ilə məğlubiyyət verilir. (maddə 55.1).

12.03.2022-ci ildə “Babək” – “Sədərək” oyununda qonaqlar təyin olunan vaxtda görüşə gəlmədiyi üçün komandaya 0:3 hesablı texniki məğlubiyyət verilir (maddə 55.1).

13.03.2022-ci ildə “Kəngərli” – “Araz Naxçıvan” oyununda qonaqların 6 nömrəli futbolçusu Pərvin Rüstəmov görüşə 40-cı dəqiqəsində “sonuncu ümid folu”-na görə qırmızı vərəqə ilə meydandan kənarlaşdırıldığı üçün 1 oyun cəzalanır (maddə 47.1).

13.03.2022-ci ildə Region Liqasının “Kəngərli” – “Araz Naxçıvan” oyununda “Kəngərli” komandasının 7 nömrəli futbolçusu Musa Eyvazov oyunun 45-ci dəqiqəsində “sonuncu ümid folu”na görə qırmızı vərəqə ilə meydandan kənarlaşdırıldığı üçün 1 oyun cəzalanır (maddə 47.1).