Bu gün İntizam Komitəsinin iclası keçirilib.

"Football-plus.az" xəbər verir ki, toplantıda AFFA-nın təşkil etdiyi digər liqalarla bağlı aşağıdakı qərarlar qəbul olunub.

24.04.2022-ci il tarixində Region Liqasının “Cəbrayıl” – “Energetik” oyununda “Energetik” komandasının 18 nömrəli futbolçusu Xəyal Əliyev hakimlərə fiziki təsir göstərdiyi üçün 10 oyun cəzalanır (maddə 37.8).

28.04.2022-ci il tarixində Gənclər Liqasının “Sumqayıt” – “Şamaxı” oyununda matçın 22-ci dəqiqəsində “Şamaxı” komandasının diskvalifikasiya olunmuş 9 nömrəli futbolçusu Qurban Səfərov rəqibi təhqir etdiyinə görə birbaşa qırmızı vərəqə ilə meydandan kənarlaşdırıldığı üçün 3 oyun cəzalanır (maddə 41.1).

28.04.2022-ci il tarixində Gənclər Liqasının “Sumqayıt” – “Şamaxı” oyununda “Şamaxı” komandasının diskvalifikasiya olunmuş 9 nömrəli futbolçusu Qurban Səfərov start heyətində matçda iştirak etdiyi üçün komandaya 0:3 hesablı texniki məğlubiyyət verilir (maddə 50.1).

29.04.2022-ci il tarixində U-16 Liqasının “Sabah” – “Neftçi” PFK oyununda “Sabah” komandasının 6 nömrəli futbolçusu Mətləb Osmanov qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır (maddə 47.1).

01.05.2022-ci il tarixində U-16 Liqasının “Səbail” – “Neftçi” İK İB oyununda matçın 90-cı dəqiqəsində “Neftçi” İK İB komandasının 14 nömrəli futbolçusu Vladimir Tsarvoy aqressiv hərəkətə görə birbaşa qırmızı vərəqə ilə meydandan kənarlaşdırıldığı üçün 4 oyun cəzalanır (maddə 37.3).

01.05.2022-ci il tarixində U-16 Liqasının “Səbail” – “Neftçi” İK İB oyununda matçın 90-cı dəqiqəsində “Səbail” komandasının 2 nömrəli futbolçusu Məhəmməd Cavadzadə aqressiv hərəkətə görə birbaşa qırmızı vərəqə ilə meydandan kənarlaşdırıldığı üçün 4 oyun cəzalanır (maddə 37.3).

30.04.2022-ci il tarixində U-15 Liqasının “Qəbələ” – “Sumqayıt” oyununda “Sumqayıt” komandasının 3 nömrəli futbolçusu Vüsal Paşayev qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır (maddə 47.1).

01.05.2022-ci il tarixində U-15 Liqasının “Cənub Elit” – İFA oyununda İFA komandasının 4 nömrəli futbolçusu Cavid Eyvazov qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır (maddə 47.1).

30.04.2022-ci il tarixində Coca-Cola U-13 Liqasının “Mil-Muğan” – “Hacıqabul Şərq” oyununda “Hacıqabul Şərq” komandası təyin olunan vaxtda oyuna gəlmədiyi üçün komandaya 0:3 hesablı texniki məğlubiyyət verilir (maddə 55.1).

04.05.2022-ci il tarixində U-15 Liqasının “Zaqatala” – “Neftçi” İK İB oyununda “Neftçi” İK İB komandası təyin olunan vaxtda oyuna gəlmədiyi üçün komandaya 0:3 hesablı texniki məğlubiyyət verilir (maddə 55.1).

“Sədərək” komandası Region Liqasının növbəti turlarında iştirakdan imtina etdiyi üçün yarışdan xaric olunur. Komanda çempionatın oyunlarının 50%-ni keçirdiyi üçün bütün qalmış oyunlarda ona 0:3 hesabı ilə məğlubiyyət verilir.