"Qəbələ" - "Zirə" oyunu davam edəcək? - AÇIQLAMA
“Qəbələ” - “Zirə” oyununda qar səbəbindən çətinliklər yaşanır. Topun rənginin televizyadan seçilməməsi səbəbindən tamaşaçılar etiraz edir.
Məsələ ilə bağlı PFL-in Mətbuat və İctimaiyyətlə Əlaqələr Departamentinin rəhbəri Aslan Şahgaldiyevlə danışdıq. Qurum rəsmisinin “Football-plus.az” saytına açıqlaması belə oldu:“Ola bilər ki, ekran qarşısında nələrisə görə bilməsin. Ancaq meydanda vəziyyət normaldı. Əliyar Ağayev təcrübəli hakimdi. Fasilədə hər iki komandanın baş məşqçisi və inspektorla danışıb. Durumla bağlı qərara gəliblər. Hakim oyunu davam etdirib. Oynanılan topun üzərində qırmızı-sarı çalarlar olduğuna görə bu baxımdan problem yoxdu. Sadəcə qar üzərini örtdüyündən xətlər seçilmirdi. Fasilədə təmizləndi. Hazırda qar davam edir. Matçın davam edib-etməyəcəyi referi və hakim – inspektorun qərarından aslı olacaq".
RƏŞAD
Digər xəbərlər
