“Qarabağ” srağagün Konfrans Liqasının qrup mərhələsinin 5-ci oyununda “Omoniya” ilə üz-üzə gəldi.

“Tofiq Bəhramov”da baş tutan qarşılaşma gözləniləndən də maraqlı və çətin keçdi. Səfərdə 4:1 qalib gələn ağdamlılar doğma meydanda Kipr yunanları ilə 2:2 hesablı bərabərliyə razılaşdı. “Köhlən atlar” bununla da qrup liderliyini “Bazel”ə təhvil verdi.

Görəsən, çətin keçən matçda danimarkalı hakimlər briqadası ədalətin keşiyində lazımınca dura bildimi? Bunu öyrənmək üçün Tahir Süleymanovla danışdıq. Beynəlxalq dərəcəli hakim bunları söylədi:

"Qarabağ" - "Omoniya" matçının nəticəsi qonaqlar üçün o qədər vacib olmasa da, ağdamlılar üçün qrup liderliyi adına çox önəmli idi. Buna baxmayaraq, kipirlilər Azərbaycan klublarına qarşı tarixən aqressiv, psixoloji cəhətdən düşmən kimi yanaşırlar. Oyunun prinsipial keçəcəyi öncədən bilinirdi. Belə görüşlərə daha təcrübəli hakimlərin təyin olunması şərtdi. Danimarkadan olan hakimlər briqadası ilk yarıda ciddi səhvlərlə yadda qalmadı. Hissənin ən kritik epizodu Dyurişin Abbas Hüseynova qarşı qaydasız döyüşlərdəki kimi boğucu fənddən istifadə etməsi oldu. Baş hakim epizoda qarışan futbolçuları da sarı vərəqə ilə cəzalandıraraq meydandakı oyunçuların gözünün odunu aldı. İlk 45 dəqiqə ərzində referi müdafiə olunan tərəfə daha həssas yanaşırdı. Xırda folları qeyd etməklə hücumda olan komandanın əleyhinə qərarlar verirdi. Böyük ərazi üstünlüyü "Qarabağ"da olduğu üçün hakimin idarəçilik fəlsəfəsi qonaqların işinə yarayırdı. Fasilədən sonra danimarkalının hakim "fəlsəfəsi" tam çılpaqlığı ilə üzə çıxdı. Bəlli oldu ki, referinin niyyəti tam başqadı. "Omoniya" hesabda önə çıxdığı üçün "Qarabağ"ın təzyiqi daha da artıracağı gözlənilən idi. Cavab topu da vaxtında vuruldu. Matçda ən kritik qərar Zubirə qarşı aşkar kobudluq zamanı referinin fitinin susması oldu. Toral Bayramovun əllə oyununu dərhal görən və qətiyyətlə penalti təyin edən baş hakim bu epizodda özünü görməzliyə vurdu. Rəqibin Zubirə qarşı qayçı-badalaq fəndini görməmək mümkün deyildi. Toralın ötürməsindən sonra Ozobiçin qapıdan keçirdiyi top həddən artıq müzakirələrə səbəb oldu. Qolun sayılmamasının səbəbi Vacinin yersiz hərəkətidi. Qapıçı meydanında önə çıxan hücumçu sola hərəkəti ilə Uzohodan yayına bilərdi. Bu azmış kimi, Vaci onun baxış bucağını, əlləri ilə də önünü kəsdi. Danimarkalıların "damarlarının" Avropa Birliyində olması, hücumçunun inersiya ilə hərəkəti göydəndüşmə idi. Bu epizodda qaydalara uyğun hakimlərə irad bildirmək doğru olmaz. Belə matçlarda lider komandalara daha diqqətlə yanaşılmalıdı. Referinin "Qarabağ"a antipatiyası həm də Kikunu meydandan necə kənarlaşdırmaqda üzə çıxdı. Kadiyə qarşı açıq ayaqla qəddarlığı birbaşa qırmızı əvəzinə ikinci sarı ilə qiymətləndirildi. Hakimin məntiqi ilə futbolçunun “sarı”sı olmasaydı, meydanda qalacaqdı və ya ümumiyyətlə, şifahi xəbərdarlıqla kifayətlənəcəkdi. Referi matçı, əsasən də ikinci hissəni çox aşağı səviyyədə idarə etdi. Bununla yanaşı, "Qarabağ"ın əzmkar oyunu qələbəni təmin edəcək, komandamız "Omoniya" ilə yanaşı, hakimlər üzərində də qələbə qazanılacaqdı. Qapıçının inanılmaz səhvi olmasaydı. Bununla da qrupun son matçında bərabərlik şansı "Bazel"ə hədiyyə olundu. "Qarabağ" artıq İsveçrədə qrup liderliyi uğrunda mübarizə üçün yalnız qələbəyə oynamağa məhkumdu”.


SƏNƏM FƏRHADOVA


Son xəbərlər

Liberiya millisinin üzvü Azərbaycan klubunun düşərgəsində

Gəncəli deputat: "Komandamız "Turan Tovuz"u məğlub edəcək potensialdadı"

"Kəpəz" qərb derbisinə itkilərlə çıxacaq

Makqreqor xəstələnən Poryeyə söz atdı

“İmişli” Saatlını doğma stadiona dəyişir

DÇ-2022-də 1/4 final həyacanı - YENİLƏNİR

Fürinin xanımı də Usikin adını çəkdi - MÜSAHİBƏ

"Xarı Bülbül" Çağırış kubokunda iştirak edən rəqibini məğlub etdi

Şəhriyar Əliyev: “Ayxan Abbasov nə desə, o da olacaq”

"Mingəçevir" - "Qaradağ Lökbatan" matçını bu hakim idarə edəcək

2 yığmanın seçmə mərhələdə oyunlarının vaxtları açıqlandı

Gəncədə qərb, Bakıda paytaxt derbisi - YENİLƏNİR

Azərbaycanlı məşqçilər Brondbüdə seminarda iştirak ediblər

2 idmaçımızdan qızıl medal

Liderdən növbəti qələbə

İspaniya nəhəngi Qarnaçonu istəyir

"Azersun Arena"da 4 qol - VİDEO

Qurban Qurbanov: "Cavab qarşılaşması daha maraqlı olacaq"

Elmar Baxşıyev: "İstədiyimi komandamdan görürdüm"

Kamal Bayramov: "Qərb derbisi azarkeşlər üçün xüsusi maraq kəsb edir"

Yüksək Liqada ilə yekun vuruldu

Braziliya millisi üçün xoş xəbər

Raysın durumuna aydınlıq gəldi

“Zirə”dən minimal hesablı qələbə - VİDEO

Laurentsiu Regekampf: “Komandamı dəyişməyi düşünmürəm”

Rəşad Sadıqov: “Meydanda amansız mübarizə gedirdi”

Endrikin yeni klubu bəlli oldu

“Zirə”nin hücumçusu zədələndi

“Neftçi”də ciddi itki

“Türkiyə futbolu Avropa səviyyəsindədi”

Azərbaycanlı şahmatçı İspaniyada çempion oldu

Lənkəran təmsilçisi matça gəlmədi

“Türkiyədə açıqlamaq istəmədiyim səbəblərə görə şans qazanmadım”

Messi – Ronaldo rəqabəti DÇ-də də davam edir

"Emin Mahmudov tək "Neftçi"nin yox, Azərbaycanın aparıcı futbolçularından biridi" - "Neftçi" azarkeşi

“Qətərdə hələ ki, heç bir neqativ durum yaşanmayıb”

Hörmət, yoxsa sərvət? - TƏHLİL

Azərbaycan şahmatçıları üçün Mahaçqala sınağı

“Zirə” ilə oyundan əvvəl "Neftçi"də “Sağlamlıq durumu” - VİDEO

FFF-nin şikayəti əsassız sayıldı

DİN azarkeşlərin saxlanılmasına reaksiya verdi: “Onlar ictimai qaydaları pozub”

Mbappe İngiltərə ilə oyunu buraxa bilər

Bütün xəbərlər