Həftəsonu futzal üzrə yüksək liqada əsas mərhələnin sonuncu – 28-ci turun oyunları keçirildi. Turun ilk qarşılaşmasında əzəli rəqiblər “Ekol” və “Araz” qarşılaşdı. Hər iki komanda pley-off mərhələsinə vəsiqəni təmin etdiyindən görüş bir növ formal xarakter daşıyırdı. Ancaq pley-offda da rəqib olacaq bu komandalar 4 gün əvvəl ölkə kubokunun 1/4 final mərhələsində də üz-üzə gəlmişdilər və qalib gələn tərəf “Ekol” olmuşdu. Heyətlərə gəlincə, “Ekol” cəzalı Emin Kürdovun xidmətindən istifadə edə bilmirdi. Ramiz Çovdarovla Zaur Fərziyev də heyətdə yer almamışdı. “Araz” isə meydana tam heyətlə çıxmışdı. Komandalar fasiləyə qolsuz heç-heçə ilə yollandılar. “Ekol” daha istəkli olsa da, rəqib baş məşqçi Joze Alesio da Silva pley-off ərəfəsində ehtiyat qüvvəni də hazır vəziyyətə gətirməyi düşünürdü. Elə start “5-lük”, meydanda onların daha çox qalması da bunu deməyə əsas verirdi. İkinci hissə də eyni ssenari üzrə davam etdi. Ancaq 26-cı dəqiqədə Faiq Əliyev rəqibini keçmək istəyərkən topu itirdi və beləliklə, qapıçı ilə duelə yollanan Emil Həsənzadə sükutu pozdu. 29-cu dəqiqədə “Araz” azlıqda qaldı. Xətai Bağırov birbaşa qırmızı vərəqə alaraq meydanı erkən tərk etdi. Ancaq “Ekol” 2 dəqiqə ərzində say üstünlüyündən istifadə edə bilmədi. Daha doğrusu, Radik Əhmədovun zərbəsi tirdən qayıtdı, bir epizodda isə kapitan sarğısını daşıyan Rövşən Hüseynli “qala”sını toxunulmaz saxladı. Oyunun sonlarına yaxın təzyiqi artıran “Ekol”dan Əsgər Abasov yaxın məsafədən topu qapıdan keçirə bilmədi. Nəticədə “Araz” əsas mərhələni qalib başa vurdu.
İkinci oyunda isə sürpriz baş vermədi. “Xəzər Cənub” “Liman”ı darmadağına məruz qoydu. Lənkəran təmsilçisinin heyətində Hadi Rizvanın qolları sıralaması diqqəti çəkdi. 15 qol vuran iranlı hücumçu bombardirlər yarışında da birinciliyi ələ keçirdi. Onu da qeyd edək ki, bu tur meydana çıxmadan 3 xalı "Neftçi" hesabına yazdırdı.
28-ci tur
Ekol – Araz 0:1 (0:0)
Araz: 12. Rövşən Hüseynli (k), 7. Əli Mikaili, 13. Hüseyn Seyidəbülfəz, 14. Məsud Nəsirzadə, 19. Sadiq Cavid; 1. Kamran Hacıyev, 8. Rizvan Fərzəliyev, 9. Oktay Rüstəmli, 10. Nihad İsmayılov, 11. Xətai Bağırov, 15. Məhəmmadtaha Neyməti, 17. İsa Atayev, 18. Adil İsmayılov, 20. Emil Həsənzadə.
Baş məşqçi: Joze Alesio da Silva.
Ekol: 1. İntiqam Babayev, 4. Fərid Atakişiyev, 10. Samir Həmzəyev, 11. Namiq Məmmədkərimov (k), 17. Fərid Ələkbərov; 2. Radik Əhmədov, 5. Sərxan Məstiyev, 9. Əsgər Abasov, 33. Ələsgər Ələsgərli, 77. Faiq Əliyev.
Məşqçi: Radik Əhmədov.
Qol: E.Həsənzadə, 26.
Vərəqələr: Ə.Mikaili, 8. M.Nəsirzadə, 26. F.Ələkbərov, 33. S.Həmzəyev, 35 – sarı. X.Bağırov, 29 – qırmızı.
Hakimlər: Hikmət Qafarlı, Ramil Namazov, İsgəndər Əliyev
4 may. Olimpik Star.

Xəzər Cənub – Liman 24:7 (12:2)
Xəzər Cənub: 33. Rza Təbrizi, 7. Hadi Rizvan (k), 9. Fərid Mazahiri, 78. Behzad Şebli, 11. Şahab Şahnazi; 1. Əli Xadimi, 24. Həmid Rəşidi, 12. Raşid Qalapur, 13. Amir Şocayi, 20. İsaq Surqalı, 99. İlkin Mirzəyev.
Menecer: Tuğsal Eliz.
Liman: 22. Rauf Qasımov, 27. Vahid Ansari (k), 13. Elsevər Əliyev, 24. Camal Mahmudov, 3. Haqverdi Həsənov.
Rəhbər: Fariz Əkbərov.
Qollar: Ş.Şahnazi, 2 (1:0). H.Rizvan, 4 (2:0). H.Rizvan, 4 (3:0). H.Rizvan, 4 (4:0). V.Ansari, 5 (4:1). H.Rizvan, 5 (5:1). İ.Mirzəyev, 8 (6:1). H.Rizvan, 10 (7:1). H.Rizvan, 11 (8:1). H.Rizvan, 13 (9:1). H.Rizvan, 15 (10:1). R.Təbrizi, 16 (11:1). İ.Mirzəyev, 17 (12:1). H.Həsənov, 19 (12:2). H.Rizvan, 22 (13:2). H.Rizvan, 25 (14:2). V.Ansari, 25 (14:3). H.Rizvan, 28 (15:3). R.Təbrizi, 28 (16:3). H.Həsənov, 28 (16:4). E.Əliyev, 32 (16:5). H.Rizvan, 33 (17:5). H.Rizvan, 34 (18:5). İ.Mirzəyev, 35 (19:5). Ş.Şahnazi, 36 (20:5). C.Mahmudov, 36 (20:6). H.Həsənov, 37 (20:7). H.Rizvan, 38 (21:7). Ş.Şahnazi, 38 (22:7). Ş.Şahnazi, 40 (23:7). H.Rizvan, 40 (24:7).
Vərəqə: H.Həsənov, 23 – sarı.
Hakimlər: Rahin Heybətov, Elvin Ağayev, Vüsal Balaşov.
4 may. Olimpik Star.
Beləliklə, pley-off mərhələsində mübarizə aparacaq cütlər müəyyənləşib. Bu mərhələdə iki qələbə qazanacaq komanda finalda, məğlublar isə üçüncü yer uğrunda oyunda iştirak edəcək.
Neftçi – Xəzər Cənub
8 may. Bakı İdman Sarayı. Saat 14.30
Araz – Ekol
8 may. Bakı İdman Sarayı. Saat 17.00
Ekol – Araz
11 may. Bakı İdman Sarayı. Saat 14.30
Xəzər Cənub – Neftçi
11 may. Bakı İdman Sarayı. Saat 17.00
Qeyd: yarımfinal mərhələsinin üçüncü oyun günü mayın 14-dü.
1. Araz 24 18 4 2 183-50 58
2. Neftçi 24 17 1 6 151-67 52
3. Xəzər Cənub 24 16 3 5 234-76 51
4. Ekol 24 15 3 6 221-62 48
5. Yasamal MFK 24 6 1 17 95-127 19
6. Liman 24 3 0 21 78-354 9
7. Yasamal İSK 24 3 0 21 73-299 9
Bombaridlər: Hadi Rizvan (Xəzər Cənub) – 85, Namiq Məmmədkərimov (Ekol) – 74, Xətai Bağırov (Araz) – 40.