Musa Qurbanlı İsveç çempionatında yeni mövsümə uğursuz start verib. Daha dəqiqi, "Yurqorden"in üzvü meydana çıxmaq uğrunda mübarizədə rəqiblərinə yenilir. Hücumçu mövqeyindəki futbolçularla ayaqlaşa bilmir.

İsveç mətbuatının məlumatına görə, bu məqamlar Musanın komandadan ayrılmaq yönündə düşüncələrini qətiləşdirib.

"Football-plus.az" xəbər verir ki, o, gələn təklifləri dəyərləndirmək niyyətindədi. Bilindiyi kimi, onun xidmətində israrla maraqlı olan klub "Molde"di. İsveç çempionatının iştirakçısı Qurbanlını icarəyə götürmək, sınaqdan üzüağ çıxacağı təqdirdə almaq istəyir.

Xatırlayırsızsa, "Molde" Avropa Liqasının qrup mərhələsində "Qarabağ"ın rəqibi olub. Ötən ilin noyabrında keçirilən oyunlarda "köhlən atlar" bu rəqibi üstələyib - 1:0, 2:2.

Qeyd edək ki, Musanın "Yurqorden"lə müqaviləsinin müddəti 2026-cı ilin yayında başa çatır.

KƏNAN BAHADIR