“Mançester Siti” premyer-liqadan kənarlaşdırılacaq?

İngiltərədə uzun sürən təhqiqat sona çatmaq üzrədi.

"Football-plus.az" xəbər verir ki, “Mançester Siti” İngiltərə Premyer-Liqasının maliyyə qaydalarını pozmaqda təqsirli bilinib. Bu haqda “The Athletic”in jurnalisti Devid Ornşteyn məlumat yayıb.

Onun sözlərinə görə, müstəqil komissiya klubun 115 ittihamın 114-ü üzrə təqsirli olduğuna qərar verib. MS-nin qərardan apellyasiya şikayəti verəcəyi gözlənilir. Sanksiyalarla bağlı isə hələ qərar qəbul edilməyib. Komandanın premyer-liqadan kənarlaşdırılma da daxil olmaqla müxtəlif sanksiyalara məruz qalmaq ehtimalı var.

“Mançester Siti” bütün ittihamları növbəti dəfə rədd edib. Klubun mövqeyinə görə, proses hələ sona çatmayıb və qərardan apellyasiya veriləcək.