''Qalatasaray'' a lazım olmayan futbolçu Fransaya yollanır

''Qalatasaray''da Okan Burukun planlarına daxil olmayan danimarkalı Elias Yelertin yeni klubunun adına aydınlıq gəlmək üzrədi.

23 yaşlı sağ cinah müdafiəçisi yeni mövsümü Fransa təmsilçisi ''Havr''da keçirə bilər. 2024-cü ildə ''Kopenhagen''dən 9 milyon avroya transfer olunan danimarkalı futbolçu ''Cim-Bom''da bir mövsüm keçirərək ümidləri doğrultmadı. O ötən mövsümü çempionşip təmsilçisi ''Sauthempton''da icarədə keçirərək cəmi 11 oyunda forma geyə bildi.

Karyerasında ciddi eniş yaşayan Yelert artıq Liqa-1 təmsilçisi ''Havr''a keçməyə razılıq verib. O, klublar arasında anlaşma əldə olunmasını gözləyir. Maddi detallar barədə məlumat yoxdu. ''Qalatasaray''la hələ üçillik müqaviləsi olan bu futbolçunun indiki dəyəri 5 milyon avrodu.