"İmişli"dən ayrılmağımın sadaladığınız səbəblərlə heç bir bağlılığı yoxdu" - gedən xanım
İyulun 24-də “İmişli” yazı müsabiqəsinin qaliblərini mükafatlandırırdı. Həmin tədbirdə aparıcı şəxslərdən biri olan, növbəti “futbol ili” ilə bağlı iddialı sözlər söyləyən mətbuat katibi Leyla Behbudlu artıq klubdan ayrılıb. Bu ayrılıq çoxları üçün gözlənilməz oldu. Belə ki, ümidverici kadrlardan olan Leyla xanımın komanda ilə yoluna ıdavam edəcəyi düşünülürdü. Nə baş verdi: “İmişli” onun gördüyü işdən narazıdı, yoxsa başqa yerdən iş təklifi alıb?
Ayrılığın səbəblərini öyrənmək üçün “football-plus.az” Leyla Behbudlu ilə əlaqə saxlayıb:
"Xeyr. “İmişli” dən ayrılmağımın sadaıbladığınız səbəblərlə heç bir bağlılığı yoxdu. Başda Kamran müəllim olmaqla, bütün “İmişli” kollektivindən həmişə fəaliyyətimə və şəxsiyyətimə xüsusi hörmət görmüşəm. Kamran müəllimlə də həmişə gözəl, dost kimi münasibətimiz olub, fikirlərim, fəaliyyətim hər zaman dəstəklənib. “İmişli”dən ayrılmaq qərarı mənim üçün də çətin idi. Heç kəs ayrılacağımı gözləmirdi. Sadəcə, şəxsi planlarımla bağlı bu qərarı atmalı oldum”.
İSRAYIL XEYRULLAYEV
Digər xəbərlər
