“Napoli” heyətini daha bir oyunçu ilə gücləndirib.

Cakomo Raspadori 5 milyon avroya “Sassuolo”dan birilliyə icarəyə götürülüb. Neapol klubu İtaliya yığmasının 22 yaşlı hücumçusunu gələn yay daimi əsasda sıralarında saxlaya bilər. Bunun üçün “Sassuolo”ya 15 milyon avro təzminat ödəməli olacaq. Müqavilənin şərtinə görə, Raspadori neapolluları bonus kimi daha 5 milyon avro xərcə sala bilər.
Cakomo yetirməsi olduğu “Sassuolo”da 2019-cu ildən çıxış edir. O, A seriyasının son mövsümündə keçirdiyi 36 oyunda 10 qol vurub.