“Qarabağ” yenilənib. Evdəki qarşılaşmada hiss olundu ki, kollektiv ideal formasından hələ çox uzaqdadı. Üstəlik Bolqarıstanda çempionat davam edir. Bunun nəticəsidi ki, ÇSKA fiziki baxımdan Ağdam təmsilçisindən yaxşıdı. Yenə də “Qarabağ”ın Sofiyadan qələbə ilə qayıdacağına inanıram. “Neftçi”nin vəziyyəti isə təəssüf ki, qalanlarıyla müqayisədə çox çətindi. 8 dəqiqədə iki qol vurub, sonra 4 qol buraxasan... Komanda psixoloji durumunu toparlamalı, matçı yaxşı təhlil etməlidi. Bəli, “ağ-qaralar” səfərdə oynayacaq, amma “Dinamo-Minsk” üçün də vəziyyət eynidi. Həmçinin Belarus təmsilçisi ideal deyil. İlk matçda gördük ki, yalnız hücumçuları və yarımmüdafiəçiləri yaxşıdı, müdafiə xətti isə çox ləng hərəkət edir. Qapıçı da mükəmməl deyildi. Məncə, “Neftçi” potensialından maksimum yararlansa, geridönüş edə bilər. Amma hazırlıq prosesindən də çox şey asılıdı. Düşünmürəm ki, bakılıların şansı azdı. “Zirə”nin taleyi isə öz əlindədi. Kollektiv səfərdə heç-heçə etmək istəyirdi. Bu plan baş tutmadı. Ev oyununda arxayınlaşmaq olmaz. “Payde”nin hücum potensialı yüksək səviyyədə olmasa da, qol vurmağı bacarırlar. “Zirə” oyun baxımından rəqibini üstələsə, lazımi nəticəni qazanacaq. Sonda onu da deyim ki, klublarımıza inanıram. Amma üç komanda növbəti mərhələyə vəsiqə qazansa, yaxşı nəticə olacaq”.