“Bəli, favorit “Sabah”dı. Komanda çempion olub, həm heyət, həm də keyfiyyət baxımından çox yaxşı formadadı. Amma “Zirə” kuboku daha çox istəyir. Çünki çempionatda 4-cü yer uğrunda mübarizə aparan kollektiv mövqeyini itirib. Yeganə şans kuboku qazanmaqdı. Bu üzdən meydanda daha istəkli “Zirə” görəcəyik. Ancaq bu məqam komandada əlavə təzyiq yarada bilər. Bununla belə, “Sabah” “qızıl” dubl”a imza atmasa da, Çempionlar Liqasında çıxış edəcək. “Bayquşlar” artıq tarix yazıb. Bu səbəbdən psixoloji baxımdan sakitdi. Düzü, proqnoz vermək çətindi. Məncə, az da olsa, “Sabah” daha şanslıdı. Bəlkə də oyun penalti seriyasına qədər uzanacaq. Kim güclüdüsə, o qalib gəlsin. Əsas odu ki, yaddaşlarda qalan oyuna şahidlik edək. Bu mövsüm xüsusən “Sabah”la “Qarabağ”ın oyunlarında böyük azarkeş dəstəyi oldu. Bu dəfə də həmin mənzərəni izləmək istəyirik”.