"Neftçi" və "Sabah"ın Konfrans Liqasının 2-ci təsnifat mərhələsindəki cavab oyunları üçün hakim təyinatları açıqlanıb.

"Football-plus.az" xəbər verir ki, "ağ-qaralar" "Jelezniçar" (Bosniya və Herseqovina) – "Dinamo" (Minsk, Belarus) cütünün (ilk oyun 2:2) qalibi ilə üz-üzə gələcəklər. Cavab görüşünü Macarıstandan olan hakimlər briqadası idarə edəcək. FİFA referisi Balaj Berkeyə həmyerliləri Balaj Buzaş və Balaj Sert laynsman qismində yardımçı olacaqlar. Dördüncü hakim funksiyasını Bentse Çonka yerinə yetirəcək.

"Sabah" isə bu mərhələdə "Makedoniya" (Şimali Makedoniya) - RFŞ (Latviya) duelinin (ilk oyun - 0:1) güclüsü ilə qarşılaşacaq. Cavab oyununu isveçrəli Fedayi San idarə edəcək. Yonas Enri və Yan Kebeli yan xətt hakimləri, Sandro Şerer dördüncü hakim olacaq.

Qeyd edək ki, hər iki cavab oyunu avqustun 3-də Bakıda keçirəcək. İlk görüşlər isə səfərdə olacaq.