"Hazırda akademiyayla bağlı planlar qururuq. İşlər çoxdu. U-14 və U-15 komandalarımız "Sabahın Ulduzları" layihəsi çərçivəsində oyunlar keçirəcək. Qalan yaş qrupları üzrə çempionatların başlayacağı vaxta da az qalıb. Məşqçilərin taleyi hələ bəlli deyil. İstəmirəm ki, gələn kimi kiməsə "sizinlə çalışmaq niyyətim yoxdu" deyim. Bu hal qəbuledilməzdi. Hər birini tanımalı, fəaliyyətinə bələd olmalıyıq. Müqavilələrinin vaxtı sona çatıb. Bu barədə rəhbərlik müəyyən qərarlar verəcək, biz də buna uyğun addımlar atacağıq. Məşqçilik fəaliyyətinə gəlincə, təklif olsa, klub rəhbərliyi ilə müzakirə aparmaq olar. Hər halda, peşəmiz məşqçilikdi. Tam uzaqlaşmaq mümkün deyil".