DÇ-2026 zamanı arzuolunmaz hadisə baş verib. Koreya - Meksika matçının ictimai nümayişi zamanı Los-Ancelesdə silahlı insident baş verib.

"Football-plus.az" xəbər verir ki, hadisə nəticəsində bir nəfər yaralanıb. İnsident şəhərin Koreataun rayonunda olub. Məlumata görə, yerli sakin Duart Luis Romero izdihama atəş açan silahlı şəxsi görərək onu zərərsizləşdirməyə çalışıb.

O, hücum edən şəxsi yerə yıxa bilsə də, mübarizə zamanı ayağından güllə yarası alıb. Güllə onun arteriya damarını zədələyib. Yaralıya ilk tibbi yardımı Los-Anceles Polis Departamentinin əməkdaşı Helen Çjen göstərib. O, hadisə yerində turniket tətbiq edərək güclü qanaxmanı dayandırıb və həkimlər gələnədək Romeronun vəziyyətini sabitləşdirib. Zərərçəkən isə sonradan polis əməkdaşına təşəkkür edərək onun həyatını xilas etdiyini söyləyib.

Yerli mənbələrə görə, polis artıq cinayətkarın Endi Rodriges olduğunu müəyyənləşdirib. O, Çjenin həmkarı tərəfindən saxlanılıb.