Tamaşaçı rekordu yeniləndi - DÇ-nin REKORDU
DÇ-2026-nın oyunlarına tamaşaçı marağı yetərincə böyükdü. Bu barədə FİFA rəsmi məlumat yayıb.
"Football-plus.az" xəbər verir ki, dünya çempionatının qrup mərhələsinin oyunlarını stadionlarda ümumilikdə 4644549 futbolsevər izləyib.
Ali futbol qurumunun məlumatına görə, qrup mərhələsinin statistikası turnirin miqyasını aydın şəkildə nümayiş etdirir:
“Dünya çempionatının qrup mərhələsinin statistikası turnirin futbol meydanından kənara çıxan miqyasını göstərir. Oyunları 4 milyon 644 min 549 azarkeş izləyib, turnir ərzində isə 300 mindən çox hot-doq satılıb”.
Bununla da dünya çempionatlarının ümumi tamaşaçı rekordu hələ qrup mərhələsi başa çatmadan yenilənib. Əvvəlki rekord 1994-cü ildə ABŞ-də keçirilən dünya çempionatında qeydə alınmışdı. Həmin turnirin oyunlarını stadionlarda ümumilikdə 3587538 azarkeş izləmişdi.
Əlavə edək ki, DÇ-2026-nın qrup mərhələsində 72 oyun keçirilib. Turnirdə ümumilikdə 104 matç nəzərdə tutulub.
Digər xəbərlər
