Heyəti gücləndirmək və yeni mövsümdə daha iddialı olmaq istəyən ''Beşiktaş''la bağlı önəmli transfer xəbərləri var.

İddialara inansaq, İstanbul nəhəngi ''Arsenal'' və Belçika yığmasının ulduzu Leandro Trossar üçün 20 milyon avro ödəməyə hazırdı. İngiltərə çempionu 31 yaşlı futbolçusu üçün məhz bu qədər məbləğ tələb edir.

Trossara Səudiyyə Ərəbistanından da ciddi təklif var. Yeganə problem ondadı ki, ''Beşiktaş'' bu futbolçudan tez qərar verməsini gözləyir. Trossar isə tələsmək istəmir və dünya çempionatının bitməsini gözləyir. Həm də onun menecerinin bəzi tələbləri hələlik ''ağ-qaralar''ı qane etmir. Ona görə də klublar arasında tam anlaşma əldə olunmasına baxmayaraq Trossarın özü ilə anlaşmaq hələ mümkün olmayıb. 2023-dən ''Arsenal''ın şərəfini qoruyan

Trossar ötən movsum 50 rəsmi oyunda 8 qol, 11 məhsuldar ötürməlik performans sərgiləyib. Bundan başqa iddialara görə ''Beşiktaş'' Salih Özcan ilə anlaşıb. Türkiyə yığmasının üzvü bilindiyi kimi Dortmund ''Borussiya''sından ayrılıb və hazırda sərbəst futbolçudu. Yeni baş məşqçi Vinçentso İtalyano Salihin dünya çempionatında ABŞ-yə qarşı oyunda performansını bəyəndi. Bu futbolçunun mərkəzdə Orkun Kökçü ilə yaxşı duet təşkil edəcəyi güman edilir.

Bu transferin Salihin tətilinin başa çatmasından sonra açıqlanacağı gözlənilir.