"Mənim üçün yeni başlanğıcdı" - "Sabah"ın yeni transferi
"Sabah"ın yeni transferi Cessi Sekidika klubun mətbuat xidmətinə açıqlama verib.
Sportal.az xəbər verir ki, nigeriyalı futbolçu yeni klubundan gözləntilərindən danışıb:
"Mən burada olmaqdan xoşbəxtəm. Burada məni səmimi qarşıladılar. Hamı mənimlə çox mehribandı. "Sabah” mənim üçün yeni başlanğıcdı. Yeni klubda vəzifəm bu mövsümü uğurlu çıxış etmək və komanda ilə avrokuboklarda iştirak etməkdi. Yeni komandamın potensialını görürəm”.
27 yaşlı futbolçu ilə 2+1 illik müqavilə imzalanıb. Sekidika karyerası ərzində Serbiyanın "Napredak" (2015-2018), Türkiyənin "Eskişehirspor" (2018/20), "Qalatasaray" (2020/21), "Konyaspor" (2021), "Eyüpspor" (2022), "Ümraniyespor" (2023) və Belçikanın "Leven" (2021) klublarında oynayıb. O, "Sabah"da 70 nömrəli formada çıxış edəcək.
Digər xəbərlər
