İngiltərə yığmasının üzvləri dünya çempionatının Xorvatiya ilə ilk oyunu ərəfəsində xoşagəlməz vəziyyətə düşüblər.

"Football-plus.az" xəbər verir ki, komandanın Florida ştatından Kanzas Sitiyə furqonla göndərilən avadanlıqlarının bir hissəsi yolda oğurlanıb. Oğurlanan əşyalar arasında futbolçuların butsları, toplar və məşq ləvazimatları da var. Bunlardan başqa baş məşqçi Tomas Tuxelin istifadə etdiyi taktiki lövhələr, analitik avadanlıqlar və masaj masalarının da yoxa çıxdığı bildirilir.

İngiltərə yığması dünya çempionatında ilk oyununu iyunun 17-də Xorvatiyaya qarşı keçirəcək.