2022/23 “futbol ili” başa çatdı.

Nəticələrə görə “Qarabağ” Çempionlar Liqasına, “Sabah”, “Neftçi” və “Qəbələ” isə Konfrans Liqasına vəsiqə qazandı. Klubların adı çəkilən turnirlərdə potensial rəqibləri də məlumdu. “Köhlən atlar”ın Çempionlar Liqasının 1-ci təsnifat mərhələsindəki rəqibləri haqda ötən saylarımızın birində xəbər vermişdik. Qurban Qurbanovun komandası ilk mərhələni keçəcəyi halda 2-ci mərhələdə də “səpələnmişlər” səbətində yer alacaq. Konfrans Liqasında çıxış edəcək təmsilçilərimiz isə 2-ci təsnifat mərhələsindən mübarizəyə qoşulacaq. Qeyd edək ki, “Neftçi” “səpələnmişlər”, “Qəbələ” və “Sabah” “səpələnməmişlər” səbətində yer alıb. Hər üç komandamızın potensial rəqiblərini diqqətinizə çatdırırıq.

Səpələnmişlər
“Brügge” (Belçika)
“Bazel” (İsveçrə)
“Gent” (Belçika)
“Fənərbaxça” (Türkiyə)
ÇFR (Rumıniya)
PAOK (Yunanıstan)
“Makkabi (İsrail)
“Viktoriya” (Çexiya)
“Bude-Qlimt” (Norveç)
“Lex” (Polşa)
“Hapoel” (İsrail)
“Yurqarden” (İsveç)
APOEL (Cənubi Kipr)
“Beşiktaş” (Türkiyə)
“Riyeka” (Xorvatiya)
“Gimaraeş” (Portuqaliya)
“Styaua” (Rumıniya)
“Legiya” (Polşa)
“Rusenborq” (Norveç)
“Spartak” (Slovakiya)
AEK (Cənubi Kipr)
“Omoniya” (Cənubi Kipr)
“KuPS” (Finlandiya)
“NEFTÇİ” (AZƏRBAYCAN)
“Osiyek” (Xorvatiya)
“Hibernian” (Şotlandiya)
“Aris” (Yunanıstan)

Səpələnməmişlər
“Petrokub” (Moldova)
“Voyvodina” (Serbiya)
“Lütsern” (İsveçrə)
“Vorskla” (Ukrayna)
“Bohemians” (Çexiya)
“Orxus” (Danimarka)
“Hammarbü” (İsveç)
“Kalmar” (İsveç)
“Kauno” (Litva)
“Poqon” (Polşa)
“Zalaeqerseq” (Macarıstan)
“Keçkemet” (Macarıstan)
“Debretsen” (Macarıstan)
“Sepsi” (Rumıniya)
“QƏBƏLƏ” (AZƏRBAYCAN)
“Boraç” (Bosniya və Hersoqovina)
“SABAH” (AZƏRBAYCAN)
“Ordabası” (Qazaxıstan)
“Aktobe” (Qazaxıstan)
“Selye” (Sloveniya)
“Auda” (Latviya)
“Differdanj” (Lüksemburq)
“Torpedo-BelAZ” (Belarus)

Çempionlar Liqasının ilk mərhələsinin püşkü iyunun 20-də atılacaq. Konfrans Liqasında isə iyunun 20-də 1-ci, bir gün sonra 2-ci təsnifat mərhələsinin püşkü atılacaq. “Sabah”, “Neftçi” və “Qəbələ” ilk oyunlarını iyulun 27-də, cavab görüşlərini avqustun 3-də keçirəcək.

Görəsən, təmsilçilərimizi Nyonda baş tutacaq sözügedən mərasimdə kimlər təmsil edəcək? Bunu öyrənmək üçün klubların mətbuat xidmətlərinin rəhbərlərinə müraciət etdik. Rüstəm Allahverdiyev “Neftçi”nin baş meneceri Qədir Həsənovun, Anar Hacıyev “Qəbələ”nin baş meneceri Nail Kərimovun Avropaya yollanacağını dedi. Elnur Həmidov “Sabah”ın nümayəndəsinin hələ dəqiqləşmədiyini bildirdi. “Qarabağ”ın baş meneceri Asif Əsgərov isə tədbirə klubun beynəlxalq əlaqələr üzrə meneceri Fərid Ağayevin qatılacağını söylədi.

KƏNAN BAHADIR