“Oyunun çətin keçəcəyini bildiridk. Güclü rəqibə qarşı oynadıq. "Zirə" avrokuboklarda ölkəmizi təmsil edib. Bu gün əks-hücumlardan istifadə etməyə çalışdıq. Futbolçulardan razı qaldım. Meydanda etdikləri tərifəlayiqdir. Gələcəkdə daha yaxşı oynamağa çalışacağıq".

"Football-plus.az" xəbər verir ki, bu sözləri "Kəpəz"n baş məşqçisi Yaşar Vahabzadə Azərbaycan premyer-liqasının ilk turunda "Zirə"yə 1:2 hesabı ilə uduzduqları oyundan sonra mətbuat konfransında deyib.

"İkinci qolu öz səhvimizdən və təcrübəsizliklırindən buraxdıq. Rəqib bizi əks-hücumda yaxaladı və fərqləndi. Rəqibi təbrik edirəm. Əvəzetmələrin oyunun gedişatını dəyişəcəyindən ehtiyatlandığım üçün meydana yeni futbolçu buraxmaq istəmədim. Bu gün bizi 1 xal da qane edə bilərdi. Amma lazımsız top itkisindən sonra qapımızda qol gördük" - deyə o bildirib.

Mütəxəssis komandanın çox çətin durumda olduğunu söyləyib: "Kənardan maliyyə dəstəyi yoxdu. Sonradan stadion problemi yarandı. Əvvəl dedilər ki, az sayda azarkeşin iştirakı ilə Gəncədə oynayacağıq. Amma sonra eşitdik ki, rəqiblərimizi Bakıda qəbul edəcəyik. Hamı Gəncə azarkeşlərinin çılğınlığını yaxşı bilir. Bölgə komandasıyıqsa, Gəncədə oynamalıyıq. Orada oynasaydıq, hər şey ola bilərdi".

Vahabzadə iki oyunçu ilə bağlı problem yaşadıqlarını bildirib: "1-2 futbolçunun transfer vərəqəsi gəlməyib, ona görə sıxıntı yaşadıq. Elə oyunçular idi ki, meydanda ola bilərdilər. Hər halda yaxın günlərdə yeni oyunçular gələcək".