Misli premyer-liqasının 33-cü turunda “İmişli” “Karvan-Yevlax”la heç-heçə etdi - 1:1. “Football-plus.az” “İmişli”nin baş məşqçisi Jorj Kaşkilyanın mətbuat konfransından hesabatı təqdim edir.
- Bu gün son oyunumuz idi. Məqsədimizə sabit şəkildə gəlib çatdıq. Əvvəldən sona qədər qədər pozitiv irəlilədik. Oyunçularıma, texniki heyətə, azarkeşlərə təşəkkür edirəm. Həmişə bizə dəstək olublar. Azarkeşlər həmişə ürəyimdə qalacaq. Azərbaycanda işləməyimə görə şadam. Mənim üçün pozitiv təcrübə oldu - istər şəxsi, istər iş baxımından. “İmişli”yə uğurlar arzulayıram. Bu gün çox futbolçu debüt etdi. Start heyətində 10 azərbaycanlı futbolçu var idi. Heç-heçə ədalətli nəticədi. Çempionatın son oyunu idi, komandalar yorğun idi.
- Nitqinizdən sanki vidalaşdığınız hiss olunur. Azərbaycandan hansı təəssüratla ayrılırsız?
- Bu gecə vətənimə dönürəm. Dincələcəm. 10 yaşlı övladım var, onun üçün darıxmışam.
- Təklifiniz var?
- Hələ ki, yox.
- İşlədiyiniz hansısa yerli futbolçu ilə yeni komandanızda işləmək istəyərsiz?
- Cavab vermək çətindi. Amma keyfiyyətli futbolçular çoxdu. Onların başqa ölkədə oynamağa keyfiyyəti çatır. Legioner limitinin ləğvi çempionatın səviyyəsi artırıb. Amma yerlilər əcnəbilərdən çox şey öyrənməlidi.
- Sanki bu meydançadan qaçıb gedirsiz.
- (gülür). Çempionat boyunca bu haqda danışmışam.
- Adınız “Kəpəz” və “Sumqayıt” ilə hallanır…
- Heç bir təklif yoxdu. Mediada bir çox klubla adım hallanır - hamısı yanlışdı. “İmişli”dən razı olmadığım müqavilə təklif edildiyi deyilir, bu da yanlış xəbərdi.
MÜZƏFFƏR QULUZADƏ