“Mançester Siti” son mövsüm premyer-liqa çempionluğuna görə təxminən 166 milyon funt sterlinq qazanıb. Bu haqda “Daily Mail” qəzeti məlumat yayıb.


“Football-plus.az” xəbər verir ki, bu məbləğə yerli və xarici telekanallarla müqavilələrinin payı, komandanın turnir cədvəlində yekun mövqeyinə görə nəzərdə tutulan məbləğ, liqanın kommersiya gəlirindən əldə edilən pay və Böyük Britaniyada canlı televiziyada müntəzəm çıxışlara görə ödənilən bonuslar daxildi. 166 milyon funt sterlinq, premyer-liqa tarixində çempion üçün ödənilən ən yüksək pul mükafatıdı. Xatırladaq ki, Xosep Qvardiolanın komandası əvvəlki mövsümdə 153 milyon funt sterlinq qazanmışdı.

“Daily Mail”in məlumatında liqadakı 20 klubun mövsümlük qazancının ümumilikdə təxminən 2,7 milyard funt sterlinq olacağı da bildirilib.