Libertadores Kubokunun (LK) qrup mərhələsi sona yaxınlaşıb.

"Football-plus.az" xəbər verir ki, mayın 14-16-sı aralığında bu mərhələnin 5-ci turu keçirildi. Hesabat turu ərəfəsində 1/8 finalın ilk iki iştirakçısı məlum idi. Artıq 9 klub pley-offa vəsiqəni təmin edib. Deməli, sonuncu turda 7 vəsiqənin sahibi müəyyənləşəcək.

Qeyri-sabit çıxış edən KL-in sonuncu qalibi çətin vəziyyətə düşmüşdü. “Botafoqo” pley-offa çıxmaq şansını davam etdirmək üçün rəqib meydanında məğlub olduğu (0:1) “Estudiantes”ə evdə qalib gəlməli idi. Rio de janeyrolular çətinliklə də olsa, buna nail oldular. Lakin 3:2 hesablı qələbə Braziliya klubunu A qrupunda 3-cü yerdən yuxarı qaldırmadı. Bu qrupda sonuncu tur ərəfəsində “Universidad de Çili” 10 xalla liderdi, “Estudiantes” ilə “Botafoqo” 9 xala malikdi və Argentina klubu topların daha yaxşı fərqinə əsasən 2-ci yeri tutur.

Sonuncu turda “Botafoqo” evdə “Universidad de Çili”ni məğlub etməyə çalışacaq. Əks halda son çempion turnirdə mübarizəni erkən dayandıra bilər. Ona görə ki, “Estudiantes” evdə qrupun autsayderi “Karabobo” ilə qarşılaşacaq və “tələbələr”in maksimum xal qazanmaqla pley-offa çıxmaq şansı yüksəkdi.

B qrupunda evdə “İndependyente del Valye”ni 6:2 hesabıyla darmadağın edən “River Pleyt” sonuncu tur ərəfəsində 1/8 finala çıxdı. Argentina nəhəngi artıq qrup liderliyini də təmin edib.

C qrupunda bütün suallara 6-cı turda cavab tapılacaq. “Deportivo Taçira”ya Venesuelada 2:1 hesabıyla qalib gələn “Sentral Kordoba” 11 xalla liderdi. Argentina klubu 8 xala malik olan “LDU Kito” ilə səfərdə qarşılaşacaq. Eyni xalı olan “Flamenqo” isə Brazilyada “Deportivo Taçira”nı məğlub etməyə çalışacaq. Qeyd edək ki, “Deportivo Taçira” qrup mərhələsinin bütün oyunlarında məğlub olan yeganə komandadı.

D qrupunda “San Paulu” 4-cü turda azarkeşlərini erkən sevindirmişdi. Braziliya klubu evdə “Libertad” ilə 1:1 hesabına razılaşdı. Bu nəticə Paraqvay klubunun da 1/8 finala çıxması üçün kifayət etdi.
E qrupunda artıq bütün sualların cavabı məlumdu. “Kolo Kolo”nun qapısından 4 cavabsız top keçirən “Rasinq” və “Fortaleza” pley-offda oynayacaqlar. “Atletiko Bukaramanqa” 3-cü yerin sahibi kimi Sudamerikana Kubokuna (SK) vəsiqə qazandı. “Kolo Kolo” isə sonuncu turda “Atletiko Bukaramanqa”ya qalib gəlməklə azarkeşlərinə təsəlli verməyə çalışacaq.

F qrupunda “Bayya” üzərində qələbə (1:0) “Atletiko Nasyonal”ın ən güclü 16 komanda sırasına çıxışını təmin etdi. Kolumbiya klubu sonuncu turda “İnternasyonal” ilə “Bayya”nın qarşılaşacağı üçün istənilən halda azı 2-ci yeri tutacaq. Deməli, Braziliya derbisinin nəticəsi hər iki tərəf üçün böyük əhəmiyyət daşıyacaq.

G qrupunda yarışan “Palmeyras” azarkeşlərini ardıcıl qələbələrlə sevindirməyə davam edir. Artıq 4-cü turda pley-offa vəsiqə ilə yanaşı, qrup liderliyini də təmin edən Abel Ferreyranın komandası “Bolivar”a 2:0 hesabıyla qalib gəldi. LK-nın favoritləri sırasında olan Braziliya nəhəngi qrup mərhələsində xal itirməyən yeganə komandadı. Bu qrupdan 2-ci vəsiqəyə “Serro Portenyo”nun sahib çıxmaq ehtimalı yüksəkdi.

Nəhayət, H qrupunda da sonuncu tur ərəfəsində bütün komandaların aqibəti müəyyənləşib. “Veles Sarsfild” ilə “Penyarol” 1/8 finalda, “San Antonio de Bulo Bulo” SK-da oynayacaq. Qrupun uğursuzu isə “Olimpiya”dı.

qrup mərhələsi, 5-ci tur
A qrupu
Universidad de Çili (Çili) – Karabobo (Venesuela) 4:0
Sepulveda, 30. Arangis, 65-p. Saldivia, 81. Poblete, 90.

Botafoqo RJ (Braziliya) - Estudiantes (Argentina) 3:2
Ruan Krus, 42. İqor Jezus, 52. Artur, 85 - T.Palasios, 62-p.; 77.

1. Universidad de Çili 5 3 1 1 8-5 10
2. Estudiantes 5 3 0 2 9-5 9
3. Botafoqo RJ 5 3 0 2 7-5 9
4. Karabobo 5 0 1 4 2-11 1

B qrupu
River Pleyt (Argentina) - İndependyente del Valye (Ekvador) 6:2
Driussi, 7. Sarate, 26-öz qapısına. Mastantuono, 45+5-p. Mesa, 51. Borxa, 87. Lansini, 90+4 – Oyos, 11. Spinelli, 21.

Universitario (Peru) - Barselona (Ekvador) 1:0
Valera, 45+1.

1. River Pleyt 5 3 2 0 12-6 11
2. Universitario 5 2 1 2 3-3 7
3. İndependyente del Valye 5 1 2 2 6-10 5
4. Barselona 5 1 1 3 3-5 4

C qrupu
Deportivo Taçira (Venesuela) - Sentral Kordoba (Argentina) 1:2
Kastilyo, 75 – Qalvan, 20. Veron, 76.

Flamenqo (Braziliya) - LDU Kito (Ekvador) 2:0
Leo Ortis, 10. Luiz Araujo, 51.

1. Sentral Kordoba 5 3 2 0 7-4 11
2. Flamenqo 5 2 2 1 5-3 8
3. LDU Kito 5 2 2 1 5-4 8
4. Deportivo Taçira 5 0 0 5 4-10 0

D qrupu
San Paulu (Braziliya) - Libertad (Paraqvay) 1:1
Lukka Markes, 90 – Agilar, 74.

Talyeres de Kordoba (Argentina) - Alyansa Lima (Peru) 2:0
Botta, 23. Depyetri, 38.

1. San Paulu 5 3 2 0 8-3 11
2. Libertad 5 2 2 1 4-3 8
3. Talyeres de Kordoba 5 1 1 3 4-6 4
4. Alyansa Lima 5 1 1 3 5-9 4

E qrupu
Rasinq (Argentina) - Kolo Kolo (Çili) 4:0
A.Martines, 36; 45+1. Solari, 51. Balboa, 81.

Fortaleza (Braziliya) - Atletiko Bukaramanqa (Kolumbiya) 0:0


1. Rasinq 5 3 1 1 13-3 10
2. Fortaleza 5 2 2 1 8-4 8
3. Atletiko Bukaramanqa 5 1 3 1 6-9 6
4. Kolo Kolo 5 0 2 3 4-15 2

F qrupu
Atletiko Nasyonal (Kolumbiya) - Bayya (Braziliya) 1:0
Viveros, 46.

Nasyonal (Uruqvay) - İnternasyonal (Braziliya) 0:2
Rikardo Matias, 45. Agirre, 90+7.

1. Atletiko Nasyonal 5 3 0 2 7-5 9
2. İnternasyonal 5 2 2 1 10-7 8
3. Bayya 5 2 1 2 4-5 7
4. Nasyonal 5 1 1 3 6-10 4

G qrupu
Palmeyras (Braziliya) - Bolivar (Boliviya) 2:0
Murilo, 6. F.Torres, 12.

Sportinq Kristal (Peru) - Serro Portenyo (Paraqvay) 0:1
İturbe, 14.

1. Palmeyras 5 5 0 0 11-4 15
2. Serro Portenyo 5 2 1 2 7-7 7
3. Sportinq Kristal 5 1 1 3 6-10 4
4. Bolivar 5 1 0 4 8-11 3

H qrupu
Veles Sarsfild (Argentina) - San Antonio de Bulo Bulo (Boliviya) 3:0
M.Karriso, 68. M.Santos, 79. Montoro, 90+3.

Penyarol (Uruqvay) - Olimpiya (Paraqvay) 3:2
L.Fernandes, 50. Olivera, 55. Remedi, 73 - L.Lopes, 13. Legisamon, 37.

1. Veles Sarsfild 5 3 1 1 11-4 10
2. Penyarol 5 3 1 1 9-4 10
3. San Antonio de Bulo Bulo 5 2 0 3 5-11 6
4. Olimpiya 5 0 2 3 5-11 2

Bombardirlər: Alan Patrik (İnternasyonal), Vaka (Bolivar) - 5, Arse (LDU Kito), M.Karriso (Veles Sarsfild), Spinelli (İndependyente del Valye), Viveros (Atletiko Nasyonal) - 4.