İspaniya yığmasının bu yay ABŞ, Kanada və Meksikada keçiriləcək dünya çempionatı üçün yekun heyəti açıqlanıb. Baş məşqçi Luis de la Fuentenin qərarıyla hazırlanan siyahısında 12 klubdan 26 oyunçu var.

"Football-plus.az" xəbər verir ki, onların arasında “Real”dan heç kim yoxdu. De la Fuente bu məqama münasibətini bildirib. Baş məşqçi bu məsələdə klub mənsubiyyətinin onun üçün önəm daşımadığını deyib: “Milli komandanın məşqçisi mənəm və futbolçuların hansı klubdan olmasına baxmıram. Onlar yığmanın oyunçularıdı. Azarkeşlərdə ola biləcək qərəz məndə yoxdu. Əsas istəyim futbolçuların milli formanı qürurla təmsil etməsidi”.

Qeyd edək ki, Avropanın son çempionu olan İspaniya dünya çempionatının qrup mərhələsində Kabo Verde (15 iyun), Səudiyyə Ərəbistanı (21 iyun) və Uruqvayla (27 iyun) qarşılaşacaq.