Dortmund ''Borussiya''sında gözlənilən ayrılıq rəsmən açıqlanıb. Son mövsümü bundesliqada 2-ci pillədə başa vuran ''arılar'' Türkiyə yığmasının üzvü Salih Özcan ilə vidalaşıb.

Klubun rəsmi vida açıqlamasında bunlar qeyd olunub:

Əslində Salihin Dortmunddan ayrılacağı çoxdan bəlli idi. Mövsümün gedişində ''Borussiya''nın ona yeni müqavilə təklif etməyəcəyi ilə bağlı bir çox xəbərlər ortaya çıxmışdı.

Maraqlıdı ki, buna baxmayaraq 27 yaşlı futbolçu indiyə qədər də özünə yeni klub tapmayıb. Halbuki ona ciddi təkliflər var. Xüsusilə İstanbulun iki nəhəngi - ''Qalatasaray''la ''Beşiktaş'' bu futbolçuya uzun müddətdi, maraq göstərir. Artıq sərbəst futbolçu statusunda olan Özcanın karyerasını Türkiyədə davam etdirəcəyi gözlənilir. Amma onun yeni klubunun adına böyük ehtimalla dünya çempionatından sonra aydınlıq gələcək.

2022-dən ''Borussiya''da olan və arada qısa müddət ''Volfsburq''da icarə əsasında çıxış edən Salih Özcan Dortmund karyerasını qolsuz və titulsuz başa vurdu. O, bu klubda iştirak etdiyi 96 rəsmi oyunda aktivinə yalnız 2 məhsuldar ötürmə yaza bildi.