MOİK-in fubolçusu Seyxan Fərəcov karyerasını “İmişli”də davam etdirəcək.

Bu barədə “Football-plus.az”a Seyxan özü məlumat verib. O, açıqlamasında “pələnglər”lə ikiillik müqaviləyə qol çəkdiyini dilə gətirib.

Xatırladaq ki, Seyxan hələ bu ilin yanvarında Aran təmsilçisindən təklif almışdı. Hücumçu o vaxt klubunu dəyişmək arzusunda olsa da, “hərbçilər” ona ehtiyac duyduqlarını söyləmiş, müddəti mövsümün sonunda başa çatacaq müqaviləyə xitam verməmişdi.

Seyxanın MOİK-dən əvvəlki klubunun da “İmişli” olduğunu bildirək. Bununla belə, “Şəfa”dan da təklif alan oyunçu əslən olduğu bölgənin təmsilçisinin şərəfini qorumağa üstünlük verib.

Xatırladaq ki, Seyxan 1-ci liqada 2025/26 mövsümünün bombardiridi. O, bu uğura 18 qolla imza atıb.

Futbolçunun “İmişli” ilə müqaviləsi iyunun 1-dən qüvvəyə minəcək.

KƏNAN BAHADIR