Talişka ''karyeramın ən çətin mövsümüdü'' desə də...
''Fənərbaxça''nın çempionluq mübarizəsində növbəti dəfə ''Qalatasaray''a uduzmasının əsas günahkarlarından biri olan Anderson Talişka öz səhifəsində paylaşım edib.
"Football-plus.az" xəbər verir ki, mövsümün yekunlarına dair fikirləri ilə bölüşən təcrübəli braziliyalı futbolçu karyerasının ən çətin mövsümünü geridə qoyduğunu bildirib:
''Bu, karyeramın ən çətin mövsümü oldu. Çünki bir çox fərqli mövqelərdə oynamaq məcburiyyətində qaldım. Əsas mövqeyimdə çox az oynadım. Ancaq bunlar mənim futbolçu kimi daha da böyüməyimə və daha universal olmağıma yardım etdi. Meydanda üzərimdə olan bütün məsuliyyəti dərk edirəm və bundan qətiyyən qaçmıram. ''Fənərbaxça''nın formasını daşımaq qürurdu və gələn mövsüm çempionluğu qazanmaq üçün daha yaxşı mübarizə aparacam. Bütün dəstəklərə görə komanda yoldaşlarıma, məşqçilər korpusuna, klubun işçilərinə və həqiqi ''Fənərbaxça'' fanatlarına təşəkkür edirəm. Daha güclü şəkildə geri dönəcəyik''.
Maraqlıdı ki, ''sambaçı'' 2025/26-nı karyerasının ən çətin mövsümü adlandırsa da, rəqəmlər tamam başqa şey deyir. 45 rəsmi oyunda 27 qol vurmaqla 32 yaşlı futbolçu peşəkar karyerasının ən məhsuldar mövsümünü keçirib! Sadəcə onun ən həlledici məqamlarda 3 penaltini boşa verməsi komandaya çox baha başa gəldi. Bu baxımdan Talişka çox ciddi tənqidlərlə üzləşməli oldu.
Digər xəbərlər
