Talişka: ''Bu iddialar doğru deyil''
''Fənərbaxça''nın braziliyalı ulduzu Anderson Talişka ''Bandsports'' adlı ''yutub'' kanalına açıqlamalar verib.
"Football-plus.az" xəbər verir ki, İstanbul nəhəngi ilə müqaviləsi mövsümün sonuna qədər olan ''sambaçı'' vətəninə dönəcəyi haqda iddiaları təkzib edib. Təcrübəli futbolçu ''Qalatasaray''la dekabrın əvvəlində baş tutacaq derbi haqda da danışıb:
''İnsanlar Braziliyaya geri dönəcəyimi söyləyirlər. ''Baya'' ilə ''Korintians'' arasında seçim edəcəyimi deyirlər. Amma bu, doğru deyil. Hazırda bütün diqqətimi ''Fənər''in uğur qazanmasına yönəltmişəm. Yeni müqavilə ilə bağlı danışıqlara başlamamışıq. Mövsümün önəmli bir dönəmindəyik. ''Qalatasaray''la xal fərqini 1-ə endirmişik. İki həftə sonra onlara qarşı çox mühüm bir oyunumuz olacaq. Avropa Liqasında da durumumuz qənaətbəxşdi və yolumuza davam edirik''.
Türkiyə mətbuatının yazdığına inansaq, baş məşqçi Domeniko Tedesko ''Kayserispor''a qarşı son oyunda olduğu kimi həftəsonu ''Çaykur Rizəspor'' ilə oyunda da mərkəz hücumçusu mövqeyində Talişkanı oynadacaq.
31 yaşlı futbolçu bu mövsüm 18 rəsmi oyunda 6 qol, 2 məhsuldar ötürməlik performans sərgiləyib.
Digər xəbərlər
