Bu gün Misli premyer-liqasında növbəti – 32-ci tura start veriləcək. Düzdü, xeyli suala aydınlıq gəldiyindən bu turun bir neçə matçı formal xarakter daşıyacaq. Lakin xüsusən “Sabah” – “Neftçi” oyununu diqqətdə saxlamaqda fayda var.

Artıq hansı komandaların cəzalı futbolçularının olduğu da bəlli olub. “Football-plus.az”ın məlumatına görə, “Karvan-Yevlax”dan Emin Rüstəmov, “Qəbələ”dən Nuğay Rəşidovla Asif Məmmədov, “Sabah”da İqor Noqeyra, “Neftçi”dən Luis Ortis cəzalıdı.

Xatırladaq ki, tura mayın 17-də “Bank Respublika Arena”da keçiriləcək “Sabah” – “Neftçi” oyunuyla yekun vurulacaq. Paytaxt derbisi saat 18.00-da başlayacaq.

KƏNAN BAHADIR