Bu gün Misli premyer-liqasında 28-ci tura start veriləcək.

Bəllidi ki, bizi bir-birindən maraqlı qarşılaşmalar gözləyir. Axı bizi çempionluq uğrunda mübarizə aparanların – “Qarabağ”la “Sabah”ın, ölkəmizi Avropada təmsil etmək niyyətində olan digər komandaların – “Araz-Naxçıvan”la “Turan Tovuz”un, “Zirə” ilə “Neftçi”nin, həmçinin premyer-liqadakı yerini qorumaq istəyənlərin, yəni “Karvan-Yevlax”la “Şamaxı”nın və “Kəpəz”lə “İmişli”nin dueli gözləyir. “Sumqayıt” – “Qəbələ” matçının da maraqlı keçəcəyinə şübhə yoxdu.

Artıq hansı komandaların cəzalı futbolçularının olduğu da bəllidi. “Football-plus.az”ın məlumatına görə, “Sabah”dan Umarali Raxmonaliyev, “Şamaxı”dan Dioqo Balau ilə Rikardo Fernandeş, “Kəpəz”dən Ehtiram Şahverdiyev, “Qəbələ”dən İsaak Amoah, “Sumqayıt”dan Daniel Beskorovaynı cəzalı durumdadı.

Xatırladaq ki, 28-ci turun matçları üç gün ərzində, yəni aprelin 17-si, 18-i və 19-da keçiriləcək.

KƏNAN BAHADIR