Bu gün Zirə İdman Kompleksinin stadionunda paytaxt derbisi baş tutacaq.

Belə ki, "Neftçi" meydan sahibi qismində "Sabah"ı sınağa çəkəcək. Xatırlayırsızsa, "ağ-qaralar" "bayquşlar"la keçirdiyi son ev matçında dramatik məğlubiyyətlə üzləşərək (0:1) avrokuboklara yollana bilməmişdi. Bu dəfə də paytaxt derbisinin nəticəsi azarkeşlər tərəfindən maraqla gözlənilir.

Bəs komandaların durumu necədi? Derbiöncəsi itkilər varmı?

Klubların mətbuat xidmətindən "Football-plus.az"a verilən məlumata görə, "Neftçi"dən Brayan Moreno zədəli, Ervin Koffi cəzalıdı. "Sabah"dan Vinsent Till və Ayaz Quliyevin bərpa prosesi sona çatmayıbsa, Abdulla Xaybullayev cəza üzündən meydana çıxa bilməz.

Qeyd edək ki, oyun saat 20.30-da başlayacaq.

KƏNAN BAHADIR