Joze Mourinyonun çalışdırdığı ''Benfika'' bu mövsüm çox qəribə qrafik cızmaqda davam edir.

Lissabon nəhəngi hələ də çempionatda məğlubiyyət acısı dadmayıb. Amma əvvəlcə çempionluqdan əlini üzməli olan komanda indi də Çempionlar Liqasına vəsiqəni əldən vermək üzrədi. 33-cü turda ''Benfika'' evdə ''Braqa'' ilə bacara bilmədi (2:2). ''Sportinq''in ''Riu Ave''ni 4:1 yenməsi ilə ''Benfika'' ÇL zonasını da tərk edərək 3-cü pilləyə gerilədi. İndi son turda ''Sportinq'' qələbə qazanacağı təqdirdə ''Benfika'' ÇL-dən kənar qalacaq.

Xatırladaq ki, ''Portu'' çempionluğu hələ ötən tur rəsmiləşdirib. ''Benfika'' tarixində ikinci dəfə belə halla qarşılaşa bilər. Komanda daha öncə 1977/78 mövsümündə də uduzmadığı halda titulu qazana bilməmişdi. Həmin vaxt ''Portu'' topların daha yaxşı fərqinə görə çempion olmuşdu.

''Braqa'' ilə qarşılaşmanın ardından keçirilən mətbuat konfransında diqqətlər Mourinyoya yönəldi. Çünki ünlü mütəxəssisin ''Real''ın başına keçəcəyi ilə bağlı iddialara günü-gündən güclənir. Mourinyo jurnalistin ''martda ''Benfika''da qalmaq istədiyinizi və müqavilə təklif olunacağı təqdirdə tərəddüdsüz imzalayacağınızı bildirmişdiz. Yaşanan son olayların ardından müqavilə təklif olunsa, imzalayarsızmı'' sualına dərhal ''xeyr'' cavabını verdi və bunları əlavə etdi:

Portuqaliyada mövsümə şənbə günü yekun vurulacaq. Mourinyonun ''Benfika'' ilə 2027-yə qədər müqaviləsi var. Amma orda müqavilənin ləğvi ilə bağlı maddə mövcuddu. Həmin maddəyə əsasən mövsümün son oyununun ardından növbəti 10 gün ərzində həm klubun, həm də Mourinyonun müqaviləni birtərəfli şəkildə ləğv etmək hüququ var.