Ferlan Mendinin səhhətində ciddi problem yaranıb. Onun zədəsi yetərincə ağırdı.

"Football-plus.az" xəbər verir ki, futbolçu İspaniya La Liqasının 34-cü turunun “Espanyol”la keçirilən və “Real”ın 2:0 hesablı qələbəsi ilə başa çatan matçının 14-cü dəqiqəsində xəsarət alaraq əvəzlənib. Artıq müdafiəçinin zədəsi ilə bağlı məlumat yayılıb.

Klubun tibbi heyəti tərəfindən aparılan müayinə nəticəsində fransalı futbolçunun sağ ayağının düz əzələsinin vətərində zədələnmə aşkarlanıb. Hazırda müayinənin yekun nəticələrinin dəqiqləşdirildiyi bildirilir.

COPE nəşrinin yaydığı məlumata görə, müdafiəçinin təxminən 5 ay yaşıl meydanlardan uzaq qalmaq ehtimalı var.