“Mançester Siti”nin yarımmüdafiəçisi Rodrinin səhhəti ilə bağlı ilkin xəbər yayılıb.

O, İngiltərə çempionatının 5-ci turunun “Arsenal”la matçında (2:2) zədələnib. ESPN-nin yaydığı xəbərə görə, onun sağ dizinin ön çarpaz bağı qırılıb. Futbolçu bu səbəbdən mövsümün qalan hissəsini buraxacaq. Səhər saatlarında aparılan tibbi müayinə zamanı onun zədəsi təsdiqlənib.

Bu mövsüm Rodri bütün turnirlərdə 3 matçda iştirak edib. İspaniyalı futbolçu məhz zədə səbəbindən mövsümün əvvəlini buraxmışdı.